Juventus.Ge ტურინის იუვენტუსის ქართული ფან კლუბი
ლივერპულის „ევერტონის“ ახალწვეული მოიზე კინი ტურინის „იუვენტუსს“ ინსტაგრამში ემოციური წერილით და კლიპით დაემშვიდობა. კინის განცხადებით, „იუვეს“ არასდროს დაივიწყებს.
„მადლობა! როდესაც „იუვენტუსზე“ ვფიქრობ, მხოლოდ ერთი სიტყვის მოფიქრება შემიძლია: მადლობა! მას შემდეგ, რაც აქ 11 წლის ასაკში მოვედი, ყველას სჯეროდა ჩემი. გარშემორტყმული ვიყავი დიდი სიყვარულით და გულშემატკივრების მხარდაჭერით/ არასდროს დაგივიწყებთ, ჩემს გულში ყოველთვის იქნება თქვენი ადგილი“, – დაწერა მოიზემ.
შეგახსენებთ, რომ კინი „იუვენტუსის“ აკადემიის აღზრდილია და მთავარ გუნდში 21 მატჩში 8 გოლის გატანა მოახერხა. „ევერტონში“ კი 30 მილიონი ევროს სანაცვლოდ გადავიდა და 5-წლიანი კონტრაქტი გააფორმა.
