“მილანთან” მატჩამდე: მაურიციო სარის “როსონერისთან” არასდროს წაუგია

კვირას, ტურინის „იუვენტუსი“ სერია A-ს ცენტრალურ მატჩი „მილანს“ უმასპინძლებს. აღსანიშნავია, რომ მაურიციო სარის თავის სამწვრთნელო კარიერაში „როსონერისთან“ არასდროს წაუგია.

„ნაპოლიში“ მოღვაწეობის პერიოდში სარი „მილანს“ 6-ჯერ დაუპირისპირდა და 4 თამაში მოიგო, 2 მატჩი კი ფრედ დასრულდა.

გარდა ამისა, 2014-2015 წლების სეზონში, როდესაც მაურიციო „ემპოლის“ ედგა სათამაში, არც მაშინ დაამრცხებულა – ტოსკანაში ფრე 2:2 და მილანშიც ფრე, ოღონდ 1:1.

სარი ეცდება ლომბარდიელებთან დაუმარცხებელი სვლა ისევ გააგრძელოს. იგივე ამოცანის წინაშე „იუვეც“ დგას, რომელსაც „ალიანც სთედიუმზე“ ჩატარებული ყველა თამაში „მილანთან“ მოგებული აქვს და შავ-წითლებისთვის ფრეც დღემდე სანატრელია.

შეგახსენებთ, რომ ეს მატჩი 10 ნოემბერს, თბილისის დროით 23:45 საათზე დაიწყება.