მბაპემ “იუვეს” შესახებ ისაუბრა

„პარი სენ ჟერმენის“ თავდამსხმელმა კილიან მბაპემ Gazzetta Dello Sport-თან ინტერვიუში „იუვენტუსის“ შესახებ ისაუბრა. ფრანგი ფეხბურთელი „იუვეს“ ჩემპიონთა ლიგის ერთ-ერთ მთავარ ფავორიტად მიიჩნევს.

„იუვენტუსი“ ძალიან ძლიერი გუნდია და ბოლო სეზონებში ჩემპიონთა ლიგის ფინალში გასვლა ამას ადასტურებს. „ბიანკონერის“ ყოველთვის რაღაც აკლდებათ, რაც განსხვავებას იწვევს, მაგრამ ახლა რონალდუ ჰყავს, ფეხბურთელი, რომელმაც იცის ასეთი მნიშვნელოვანი ტურნირის მოგება. შესაბამისად, „იუვენტუსი“ წელსაც ფავორიტებშია. გარდა ამისა, სარისთან ერთად „იუვე“ კარგ ფეხბურთს თამაშობს, ძალიან ძლიერი ფეხბურთელების წყალობით“, – თქვა მბაპემ.