მატუიდი: “კიდევ უფრო მეტი გვინდა”

ტურინის „იუვენტუსის“ ნახევარმცველმა ბლეზ მატუიდიმ „სასუოლოსთან“ (3:0) გამარჯვების შემდეგ კომენტარი გააკეთა. ფრანგი ფეხბურთელის განცხადებით, ამ გამარჯვებას დიდი მნიშვნელობა ჰქონდა.

„პარმასთან“ მატჩის შემდეგ გამარჯვება მნიშვნელოვანი იყო. შაბათს კარგად ვითამაშეთ, მაგრამ დღეს ფუნდამენტური გახლდათ სახლში სამი ქულით დაბრუნება.

ბოლომდე ასე უნდა გავაგრძელოთ, კარგ სეზონს ვატარებთ, სერია A-ში კარგად ვთამაშობთ, რაც ჩემპიონთა ლიგისთვის შესაბამის ნდობას გვაძლევს. ფიზიკურად მოვუმატეთ, ვარჯიშებზე ბევრს ვმუშაობთ და დღეს ეს დავინახეთ. მაგრამ კიდევ უფრო მეტის გაკეთება გვინდა“, – განაცხადა მატუიდიმ.

შეგახსენებთ, რომ „იუვენტუსი“ „ნაპოლის“ 11 ქულით უსწრებს, მომდევნო მატჩს კი 15 თებერვალს „ფროზინონესთან“ გამართავს.