მთავარი / სიახლეები / მარკიზიო: “ბოლო დროს “იუვემ” ბევრი მისი დონისთვის შეუფერებელი ფეხბურთელი დაიმატა”

მარკიზიო: “ბოლო დროს “იუვემ” ბევრი მისი დონისთვის შეუფერებელი ფეხბურთელი დაიმატა”

ტურინის „იუვენტუსის“ ყოფილმა ფეხბურთელმა კლაუდიო მარკიზიომ ტელეკომპანია Rai-სთან ისაუბრა და თქვა, რომ მეათე სკუდეტოს მოგება უკვე შეუძლებელია.

„ვნახე თამაში და ვფიქრობ, რომ მეათე სკუდეტოზე ოცნება საბოლოოდ დაიხურა. დელიკატური მომენტია, „ბენევენტომ“ ის სურვილი გამოავლინა, რაც „იუვეს“ არ ჰქონდა. პირლო? არ ვიცი მისი მომავალი როგორი იქნება.

ბოლო წლებში კლუბში „იუვეს“ დონის ფეხბურთელები არ მისულან. პოტენციურად ადვილ თამაშებშიც კი გუნდს ყოველთვის უჭირს, განსაკუთრებით ანგარიშის გახსნა. „ბენევენტოსთან“ საოცარი პენალტი არ დაინიშნა, მაგრამ გუნდს ნაკლოვანობები აქვს. „იუვე“ ფრთხილად უნდა იყოს ზურგს უკან მყოფი გუნდების გამო, რადგან ისინი უახლოვდებიან. ციკლი იხურება, მაგრამ უნდა გამოვნახოთ ძალა, რომ ყველაფერი თავიდან დავიწყოთ“, – თქვა მარკიზიომ.

შემთხვევითი სიახლე

ოფიციალურად: პადოინი ალეგრის სტაფში იმუშავებს

ტურინის „იუვენტუსში“ სიმონე პადოინი დაბრუნდა, რომელიც მასიმილია ალეგრის სამწვრთნელო შტაბში იმუშავებს. ინფორმაცია იტალიურმა გუნდმა ოფიციალურად …

ფოსკი: “კიეზა უკვე მამამისზე უკეთესი ფეხბურთელია”

„პალერმოსა“ და „ჩეზენას“ ყოფილმა სპორტულმა დირექტორმა რინო ფოსკიმ პაულო დიბალაზე ისაუბრა, როდესაც ის 2015 წელს …