ლუსიო: “იუვენტუსში” გადასვლა შეცდომა იყო”

ვეტერანმა ბრაზილიელმა მცველმა ლუსიომ „იუვენტუსში“ გადასვლის პერიოდი გაიხსენა და ამ გადაწყვეტილებას შეცდომა უწოდა. სამხრეთ ამერიკელის თქმით, ყველაფერი ისე არ მოხდა, როგორც ფიქრობდა.

„იუვეში“ გადასვლა შეცდომა იყო. 2012 წელს ყველაფერი შეიცვალა, „ინტერის“ მწვრთნელი სტრამაჩონი გახდა, რომელმაც მითხრა, რომ დავრჩენილიყავი, მაგრამ ეს ის არ იყო, რაც მსურდა. სინამდვილეში 10 წუთში ბრანკამ დამირეკა და მითხრა, რომ ჩემთვის ახალ გუნდს ეძებდა. მას შემდეგ, რაც „ინტერში“ გავაკეთე, ეს ადვილი არ იყო. არანაირ ძლიერი წინადადება არ მიმიღია, მხოლოდ ბოლო დღეს მოვიდა „იუვეს“ შეთავაზება, სხვა არჩევანი არ მქონდა. ჩემმა აგენტმა მითხრა, რომ „იუვენტუსში“ უნდა წავსულიყავი, მაგრამ ეს მცდარი გადაწყვეტილება იყო.

კონტე კარგი მწვრთნელია, რაც იქ მოხდა, იქ რჩება. მაშინ ბონუჩი ხანგრძლივი დისკვალიფიკაციის წინაშე იდგა და კონტემ მითხრა, რომ მის ნაცვლად მე ვითამაშებდი. საბოლოოდ, ბონუჩის დისკვალიფიკაცია არ მისცეს და მეც სათამაშო დრო ვერ მივიღე. „იუვეში“ ცოტა ხანი ვიყავი, ვერ მივიღე ისეთი გრძნობა, რასაც „ინტერში“ ვგრძნობდი“, – განაცხადა ლუსიომ.

შეგახსენებთ, რომ ლუსიო „იუვენტუსში“ 2012 წლის ზაფხულში გადავიდა და გუნდი მალევე დატოვა, შავ-თეთრი მაისური კი, მხოლოდ ოთხჯერ მოირგო.