მთავარი / სიახლეები / “ლევერკუზენის” მწვრთნელისა და ფეხბურთელის პრესკონფერენცია “იუვესთან” მატჩამდე

“ლევერკუზენის” მწვრთნელისა და ფეხბურთელის პრესკონფერენცია “იუვესთან” მატჩამდე

ლევერკუზენის „ბაიერის“ მთავარმა მწვრთნელმა პეტერ ბოშმა და ფეხბურთელმა კაი ჰავერცმა „იუვენტუსთან“ მატჩამდე პრესკონფერენცია გამართეს. თავდაპირველად ჟურნალისტების წინაშე გერმანელმა შემტევმა ისაუბრა.

„მოედანზე სწორი დამოკიდებულებით უნდა გავიდეთ. გვსურს ეს თამაში მოვიგოთ და შემდეგ ვნახოთ რა მოხდება მადრიდში. „იუვეს“ დიდებული ფეხბურთელები ჰყავს, იმედია ხვალ ლეგენდარული ბუფონის წინააღმდეგ თამაში მომიწევს, რომელიც ბევრისთვის იდეალია, მან ისტორია დაწერა. საუკეთესოების წინააღმდეგ თამაში შესანიშნავია“, – თქვა ჰავერცმა.

რაც შეეხება „ბაიერის“ თავკაც პეტერ ბოშს, ისიც იგივე პათოსით გამოირჩა და თქვა, რომ მისმა გუნდმა მხოლოდ გამარჯვებისთვის უნდა ითამაშოს:

„გვინდა გავიმარჯვოთ, ეს ყველაფერია. ჩვენთვის კვალფიცირება რთული იქნება, მაგრამ ვიცით, რომ სამი ქულა სახლში უნდა მოვიპოვოთ და შემდეგ ვნახოთ, როგორ დამთავრდება სხვა მატჩი („ატლეტიკო“ – „ლოკომოტივი“). ზეწოლას არ განვიცდით, ჩვენ მხოლოდ ერთი შესაძლო შედეგი გვაქვს“, – აღნიშნა ბოშმა.

შეგახსენებთ, რომ „ლევერკუზენისა“ და „იუვენტუსის“ მატჩი 11 დეკემბერს, თბილისის დროით 23:55 საათზე დაიწყება.

შემთხვევითი სიახლე

ფაჯოლის ძმა: “ნიკოლომ “იუვეს” გამო უარი “მანჩესტერს” და “ინტერს” უთხრა”

ნიკოლო ფაჯოლის ძმამ, ალესანდრო ფაჯოლიმ იტალიურ მედიას ინტერვიუ მისცა, რომელშიც თავისი ძმის შესახებ ვრცლად ისაუბრა. …

მილინკოვიჩ-სავიჩი, რაბიო და მაკკენი – “იუვეს” გეგმები ნახევარდაცვაში

ტურინის „იუვენტუსი“ ზაფხულში რომის „ლაციოდან“ სერგეი მილინკოვიჩ-სავიჩის ყიდვას კიდევ ერთხელ ეცდება. იტალიური მედიის ცნობით, „ბიანკონერი“ …