კიელინის მდგომარეობა არ გაუმჯობესდა

ამსტერდამის „აიაქსთან“ საპასუხო მატჩისთვის მზადება გადამწყვეტ ფაზაშია შესული. ამასობაში მასიმილიანო ალეგრის ბანაკიდან არცთუ სასიამოვნო ცნობები გამოდის.

ჯორჯო კიელინის მდგომარეობა ვერ და ვერ გაუმჯობესდა, შესაბამისად, კაპიტნაი ამ თამაშსაც გამოტოვებს. Gazzetta Dello Sport-ის  ცნობით, ჯორჯო რომ მოედანზე ვიხილოთ, ამის შანსი პრაქტიკულად ნულს უტოლდება.

ამრიგად, მას ისევ დანიელე რუგანი შეცვლის, რომელსაც მცირე დაზიანება ჰქონდა, მაგრამ აღდგენა მოასწრო და მოედანზე იქნება.

დუგლას კოშტა და ემრე ჯანი კი დაბარუნებასთან ახლოს არიან და ისინი სავარაუდოდ ხელმისაწვდომები იქნებიან.

რაც შეეხება ძირითად შემადგენლობას, ალეგრი შეტევაში ცვლილებაზე ფიქრობს: მარიო მანჯუკიჩი სათადარიგო სკამზე, მოიზე კინი – სასტარტოში.