დე იონგი “იუვესთან” ითამაშებს

ამსტერდამის „აიაქსის“ ნახევარმცველის, ფრენკი დე იონგის ტრავმა სერიოზული არ გამოდგა და „იუვენტუსთან“ ითამაშებს. ერიკ ტენ ჰაგმა უკვე გამოაქვეყნა განაცხადი და 21 წლის ფეხბურთელი სიაშია. რაც იმას ნიშნავს, რომ სათამაშოდ მზადაა.

ამ ინფორმაციას ფეხბურთელის აგენტი ალი დურსუნიც ადასტურებს:

„ფრენკი კარგადაა. გუნდთან ერთად ტურინში მიდის და ვფიქრობ ითამაშებს კიდეც“, – თქვა მან.

შეგახსენებთ, რომ „იუვენტუსისა’ და „აიაქსის“ შეხვედრა 16 აპრილს, ტურინში გაიმართება.