მთავარი / სიახლეები / “ჯენოა” – “იუვე”: ფეხბურთელთა შეფასებები

“ჯენოა” – “იუვე”: ფეხბურთელთა შეფასებები

ტურინის „იუვენტუსმა“ სერია A-ს მიმდინარე სეზონში პირველი მარცხი განიცადა. მასიმილიანო ალეგრის გუნდი „ჯენოასთან“ (0:2) დამარცხდა და გთავაზობთ ფეხბურთელთა შეფასებებს Tuttosport-ის ვერსიით:

პერინი 6 – პირველ ტაიმში ორი მაგარი სეივი შეასრულა, სანაბრიასა და რომეროს დარტყმების შემდეგ. თუმცა, სტურაროს ეპიზოდში რეაგირება დააგვიანა და ანგარიში გაიხსნა.

კასერესი 6 – დასაწყისშივე ყვითელი ბარათი მიიღო. „როსობლუს“ გოლებში კონკრეტული ხარვეზები მას არ ჰქონია.

ბონუჩი 5 – დასწრებებზე იდეალურად არ უთამაშია. სტურაროს გოლის დროს კი ბურთიდან მეტისმეტად შორს იყო.

რუგანი 5 – კუამეს სისწრაფეებთან პრობლემა შეექმნა. მეორე გოლის ეპიზოდში ძალიან ნელა მოქმედებდა მის წინააღმდეგ და პანდევზე პასის გაკეთების საშულება მისცა.

კანსელუ 6 – ისეთი არ იყო, როგორც სამშაბათს, მაგრამ შედარებით კარგად ითამაშა. დიბალას გოლის დროს პასი სწორედ მან გააკეთა, თუმცა გოლი გაუქმდა.

ბერნარდესკი 5.5 – იბრძოლა, მაგრამ შედეგი არ გამოუღია.

ემრე ჯანი 5.5 – მტიცე, მაგრამ გადაღლილი.

პიანიჩი 5.5 – პირველ ტაიმში ორ შეტევას ლამაზად გაუწია ორგანიზება, მაგრამ მთლიანობაში ნაკლებად ზუსტი და მტკიცე თამაში ჰქონდა. პირველ გოლშიც არ უთამაშია უნაკლოდ.

ბენტანკური 5 – ის არ განიცდის კარგ პერიოდს. მიუხედავად იმისა, რომ სამშაბათს არ უთამაშია, ამჯერადაც ვერ გამოიყენა შანსი.

სპინაცოლა შ.გ – ლეონარდომ მხოლოდ 13 წუთი ითამაშა.

ალექს სანდრო 5 – სამშაბათს ენერგია არ დაუხარჯია, მაგრამ მაინც ცუდად ითამაშა.

დიბალა 5 – მობილური, მაგრამ არა შედეგიანი. გოლი, რომელიც გააუქმეს, არ გავიდოდა, რომ არა კრიშიტოს რიკოშეტი. „ჯენოას“ მეორე გოლი კი მისი არაზუსტი გადაცემის შემდეგ დაიბადა.

მანჯუკიჩი 5.5 – პიანიჩთან რამდენჯერმე კარგად გაითამაშა კომბინაცია პირველ ტაიმში და პენალტიც გამოიმუშავა, თუმცა, მსაჯმა ვერ დაინახა. თუმცა ეს ყოფილა ტოპ თამაში.

კინი შ.გ – მოიზე კინმა ამჯერად მხოლოდ 17 წუთი გაატარა მოედანზე.

შემთხვევითი სიახლე

ესპანური მედია: “იუვენტუსს” ჟორდი ალბას ტრანსფერი სურს

ტურინის „იუვენტუსი“ მომდევნო სეზონისთვის მარცხენა მცველს ეძებს, რადგან ალექს სანდროს კონტრაქტი ეწურება და მასთან თანამშრომლობის …

“იუვენტუსში” სექტემბრის MVP მატია პერინი გახდა

ტურინის „იუვენტუსის“ სექტემბრის საუკეთესო ფეხბურთელად მატია პერინი დასახელდა. იტალიელმა მეკარემ ფანებისგან ყველაზე მეტი ხმა მიიღო …