fbpx
მთავარი / სიახლეები / “იუვეს” შთამბეჭდავი შედეგები სტუმრად

“იუვეს” შთამბეჭდავი შედეგები სტუმრად

ტურინის „იუვენტუსი“ 2018 წელს ტურინიდან მოშორებით დიდებულად თამაშობს. „ბებერ ქალბატონს“ მიმდინარე წელს ოთხი გასვლითი შეხვედრა დარჩა ჩასატარებელი – „ფიორენტინა“, „იანგ ბოიზი“, „ტორინო“ და „ატალანტა“.

თუ „იუვე“ ამ შეხვედრებს არ წააგებს, 2018 წელს სტუმრად დაუმარცხებელად დაასრულებს.

სერია A-ში ალეგრის ბიჭებმა დღემდე 16 გასვლითი თამაშიდან 13 მოიგეს და 3 ფრე ითამაშეს. ხოლო, თუ ამას იტალიის თასსა და ჩემპიონთა ლიგას დაუმატებთ, უფრო შთამბეჭდავ ციფრებთან გვექნება საქმე – 18 მოგება, 3 ფრე, 0 წაგება.

„იუვე“ ტოპ 5 ჩემპიონატიდან ერთადერთი გუნდია, რომელიც 2018 წელს სტუმრად არ დამარცხებულა.

მიმდინარე წელს საგარეო გამარჯვებებიდან რამდენიმე გამოსარჩევია: 3:1 “სანტიაგო ბერნაბეუზე“ „რეალთან“, 2:1 „უემბლიზე“ „ტოტენჰემთან“, 1:0 „ოლდ ტრაფორდზე“ „მანჩესტერთან“, 2:0 „მესტალიაზე“ „ვალენსიასთან“, 3:2 „სან სიროზე“ „ინტერთან“, 1:0 „ოლიმპიკოზე“ „ლაციოსთან“ და ასევე, სტუმრის რანგში მოგებული ტურინული დერბი.

თუმცა, დღეს „იუვე“ უკვე „არტემიო ფრანკიზე“ აპირებს შესანიშნავი სერიის გაგრძელებას.

შემთხვევითი სიახლე

როგორი შემადგენლობით ითამაშებს სარისა და ინძაგის “იუვე”?

ტურინის „იუვენტუსის“ მთავარი მწვრთნელის პოსტი ვაკანტურია. იტალიურ მედიში ყოველდღე სხვადასხვა სახის ინფორმაცია ვრცელდება. გუშინ დაიწერა, …