fbpx
მთავარი / სიახლეები / “იუვეს” ლაზარეთიდან სამი ფეხბურთელი დაუბრუნდა

“იუვეს” ლაზარეთიდან სამი ფეხბურთელი დაუბრუნდა

ტურინის „იუვენტუსის“ ლაზარეთიდან კარგი ამბებია. Sky Sport-ის ცნობით, „მილანთან“ მატჩისთვის მზად არიან პაულო დიბალა, მარიო მანჯუკიჩი და ლეონარდო სპინაცოლა. მასიმილიანო ალეგრის სამივე ფეხბურთელზე დაყრდნობა შეუძლია.

შაბათის შეხვედრაში განაცხადში სავარაუდოდ ვერ მოხვდებიან დუგლას კოშტა, სამი ხედირა და ხუან კუადრადო, მაგრამ ისინიც ახლოს არიან დაბრუნებასთან. თუმცა, კოლუმბიელი შემტევი ჩემპიონთა ლიგის განაცხადში არ იმყოფება და მისი გამოყენება მხოლოდ სერია A-ში იქნება შესაძლებელი.

და რაც მთავარია, კრიშტიანუ რონალდუ – პორტუგალიელის „აიაქსთან“ თამაში გადაწყვეტილი ახლაც არაა, მაგრამ პოზიტიური სიგნალები შეინიშნება. იტალიური მედიის ცნობით, რონალდუ დაბრუნებასთან ახლოსაა, თუმცა ერთი გარემოებაა – „იუვენტუსში“ რისკზე წასვლა ერთი თამაშის გამო არავის უნდა. წესით, ყველაფერი უახლოეს დღეებში გამოჩნდება და რონალდუს თამაშის საკითხიც გაირკვევა.

შემთხვევითი სიახლე

მედია: მანჯუკიჩი ტრავმირებული არაა, ალეგრისთან კონფლიქტი აქვს

მარიო მანჯუკიჩსა და მასიმილიანო ალეგრის შორის კონფლიქტია. აღნიშნულ ინფორმაციას იტალიური მედია ავრცელებს. მანჯუკიჩს „აიაქსთან“ თამაში …