“იუვეს” ფეკირი დაუკავშირეს

ტურინის „იუვენტუსის“ თვალთახედვის არეში „ლიონის“ კაპიტანი ნაბილ ფეკირი მოხვდა. L’Equipe-ს ინფორმაციით, ტურინელები ნახევარდაცვის გაძლიერების ერთ-ერთ საშუალებად სწორედ 26 წლის ფრანგის გადაბირებას მიიჩნევენ.

„ლიონმა“ ფეკირს ფასი უკვე დაადო – 70 მილიონი ევრო. საინტერესოა, რომ ფრანგის კონტრაქტი „ლომებთან“ 2020 წლის ზაფხულში იწურება და შესაძლოა ამან ფასის დაკლებაზე გავლენა იქონიოს.

აქვე გეტყვით, რომ თავად ფეკირმა სამი წლის წინ, ერთ-ერთ ინტერვიუში განაცხადა, რომ „იუვე“ მისთვის საოცნებო გუნდთა რიგებში შედიოდა და სიამოვნებით მოირგებდა შავ-თეთრ მაისურს.