Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ 23 წლამდე გუნდს ახალი მთავარი მწვრთნელი ჰყავს – ფაბიო პეკია. ამის შესახებ „ბებერი ქალბატონის“ ვებგვერდი იტყობინება.
პეკია ბოლოს იაპონიაში, „ავისპა ფუკუოკას“ მწვრთნელი იყო, ხოლო იქამდე „ფოჯას“, „გუბიოს“, „ლატინასა“ და „ვერონას“ წვრთნიდა. ყველაზე დიდ წარმატებას სწორედ ვერონაში მიაღწია, რომელიც სერია B-დან სერია A-ში აღაზევა.
სხვადასხვა დროს რაფაელ ბენიტესის ასისტენტად „ნაპოლიში“, „რეალსა“ და „ნიუკასლშიც“ უმუშავია.
ფეხბურთელობისას კი, 1997-1998 წლების სეზონში „იუვეს“ ღირსებას იცავდა, მოიგო სკუდეტო და იტალიის სუპერთასი. შეგახსენებთ, რომ „იუვენტუსის“ 23 წლამდე გუნდი სერია C-ში თამაშობს, სადაც გასულ სეზონში მე-12 ადგილი დაიკავა.
