“იუვენტუსს” სანაკრებო შეკრებიდან ფეხბურთელები დაუბრუნდნენ

ტურინის „იუვენტუსს“ სანაკრებო პაუზის შემდეგ ფეხბურთელები დაუბრუნდნენ. გამონაკლისი მხოლოდ ხუან კუადრადოა, რომელსაც დღეს არ უვარჯიშია.

სამაგიეროდ, გუნდთან ერთად ივარჯიშა ბლეზ მატუიდიმ, რომელსაც მცირე ტრავმა აწუხებდა, მაგრამ ფრანგი კარგადაა და თამაში შეუძლია.

ინდივიდუალურად ივარჯიშეს ადრიენ რაბიომ და კრიშტიანუ რონალდუმ. ალექს სანდროს კი, სამედიცინო გამოკვლევა ჩაუტარდა, რომელმაც პროგრესი აჩვენა, მაგრამ ბრაზილიელის დაკვირვება ყოველდღიურად გაგრძელდება.

შეგახსენებთ, რომ სანაკრებო პაუზის შემდეგ „იუვენტუსი“ პირველ შეხვედრას 23 ნოემბერს, ბერგამოში, „ატალანტასთან“ ჩაატარებს.