“იუვენტუსმა” ჩინეთში მეექვსე აკადემია გახსნა

ტურინის „იუვენტუსმა“ ჩინეთის ქალაქ სუჩჟოიში ოფიციალური აკადემია გახსნა. ამის შესახებ „ბებერი სინიორას“ ვებგვერდი იტყობინება.

ოფიციალური პრეზენტაციის გახსნის ცერემონიას ტურინელთა ყოფილი ფეხბურთელები დავიდ ტრეზეგე და ფაბრიციო რავანელი ესწრებოდნენ.

აღსანიშნავია, რომ „იუვესთვის“ ეს ჩინეთში მეექვსე აკადემიაა. აქამდე, შანხაიში, ჟუჰაიში, ტიანძინში, მეიშანსა და ნანკინში ფუნქციონირებდა, რომელშიც 700 ბავშვი ირიცხება.