“იუვე” შესაძლოა პერინმა დატოვოს

ტურინის „იუვენტუსი“ შესაძლოა მატია პერინმა დატოვოს. იტალიური მედიის ცნობით, „ბიანკონერიში“ 26 წლის მეკარე ბედნიერი არაა და ზაფხულში გუნდის გამოცვლას აპირებს.

ამის მიზეზი მცირე სათამაშო პრაქტიკაა. მატიამ ვოიცეხ შჩესნისთან კონკურენცია ვერ დაძლია და 2018-2019 წლების სეზონში მხოლოდ 9 თამაში ჩაატარა. პერინის მომავალს ყველაზე აქტიურად „რომას“ უკავშირებენ, რომელიც მეკარის ძიებაშია.

შეგახსენებთ, რომ მატია პერინი „იუვენტუსმა“ ერთი წლის წინ „ჯენოადან“ 12 მილიონ ევროდ შეიძინა და კონტრაქტი 2022 წლის ზაფხულამდე გაუფორმა.