მთავარი / სიახლეები / “იუვე” – “მილანი”: ფეხბურთელთა შეფასებები

“იუვე” – “მილანი”: ფეხბურთელთა შეფასებები

ტურინის „იუვენტუსმა“ სერია A-ს მე-12 ტურში „მილანი“ 1:0 დაამარცხა. გთავაზობთ ფეხბურთელთა შეფასებებს Calciomercato-ვერსიით:

შჩესნი 7 – პირველ ტაიმში საუკეთესო იყო. პიონტეკსა და პაკეტას რთული ბურთები აუღო, ერნანდესის შორეულ დარტყმასაც გაუმკლავდა. მეორე ტაიმშიც ყველა შორეული დარტყმა მოიგერია და თამაში 7 სეივით დაასრულა.

კუადრადო 6 – ერნანდესთან დუელი ჰქონდა. ახლა მისი როლი კარგად ჩანს „იუვეში“ და ახალი კონტრაქტის გაფორმებაც ახლოსაა.

ბონუჩი 7 – პიონტეკი დასაწყისში გაექცა, მაგრამ შემდეგ გაუვალი გახდა, მიუხედავად იმისა, რომ ნაკლებად ეფექტური ჩანდა.

დე ლიხტი 6 – არ ყოფილა საუკეთესო, მაგრამ იყო უფრო კონცენტრირებული, როგორც ჩვეულებრივ.

ალექს სანდრო 6.5 – მატუიდისა და რონალდუს უკან შესანიშნავად ითამაშა და მარცხენა ფლანგზე საუკეთესო იყო.

ბენტანკური 6 – დასაწყისში ბევრი შეცდომა დაუშვა. შემდეგ ოდნავ გამოასწორა. ისეთი შეგრძნებაა, რომ ნახევარდაცვის ყველა პოზიციაზე უფრო მეტ სივრცეს პოულობს.

პიანიჩი 6 – ნელი თამაში ჰქონდა, მაგრამ საგოლე კომბინაცია დაიწყო.

მატუიდი 5 – ორი კარგი შანსი ჰქონდა მეორე ტაიმს დასწყისში, მაგრამ მანამდე ძალინ ცუდად ითამაშა. მოედანი ტრავმის გამო დატოვა.

რაბიო 6 – კარგად ჩაერთო თამაშში, თუ არ ჩავთვლით 75-ე წუთზე ერთად შეცდომას, რასაც „მილანის“ კონტრშეტევა მოჰყვა.

ბერნარდესკი 5 – მის ყოველ შეცდომაზე პუბლიკა რეაგირებდა. თუმცა პირველ ტაიმში დონარუმას ერთადერთი ხიფათი მისი დარტყმით შეექმნა. მოედანი სტვენის ფონზე დატოვა.

დუგლას კოშტა 6.5 – ბერნარდესკის საპირისპიროდ მოედანზე აპლოდისმენტებით შევიდა. საგოლე შეტევა მისი პასით დაიწყო.

იგუაინი 6.5 – შეტევის რეჯისტა, ზოგჯერ ნელა მოძრაობდა, მაგრამ ყოველთვის ზუსტი იყო. საგოლე პასი მის აქტივშია.

რონალდუ 5 – საუკეთესო კონდიციებისგან ძალიან შორსაა, ბევრი ბურთი დაკარგა და მოედანიც მალე დატოვა.

დიბალა 7.5 – მასთან ერთად „იუვენტუსი“ შეიცვალა. უფრო მეტი გამბედაობა მოუტანა გუნდს, ხოლო მისმა კიდევ ერთმა მაგიურმა დარტყმამ 3 ქულა მოიტანა.

შემთხვევითი სიახლე

სერია A-ს ახალი სეზონის კალენდარი დადგინდა

სერია A-ს ახალი სეზონი ზუსტად თვენახევარში, 19 სექტემბერს დაიწყება. ამის შესახებ გადაწყვეტილება ფედერაციამ მიიღო. რაც …

“იუვეს”განაცხადი ჩემპიონთა ლიგაზე

ტურინის „იუვენტუსმა“ უეფაში ჩემპიონთა ლიგის განაცხადი ოფიციალურად გაგზავნა. მაურიციო სარის განკარგულებაში მოახლოებულ ტურნირზე ასეთი შემადგენლობა …