მთავარი / სიახლეები / “იუვე” – “მილანი”: ფეხბურთელთა შეფასებები

“იუვე” – “მილანი”: ფეხბურთელთა შეფასებები

ტურინის „იუვენტუსმა“ სერია A-ს 31-ე ტურში „მილანი“ პაულო დიბალასა და მოიზე კინის გოლებით დაამარცხა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6 – პიონტეკის გოლის ვერაფერს გახდა, თუმცა ბონუჩის შეცდომის გამოსწორება შეუძლებელი იყო.

რუგანი 5.5 – პიონტეკთან დუელი წააგო.

ბონუჩი 5 – პირველი გოლის დროს გამოუსწორებელი შეცდომა დაუშვა. მძიმე შეცდომა იყო, რომელიც გარკვეულწილად დიბალას პენალტის დროს შესანიშნავი პასით გამოისყიდა.

ალექს სანდრო 5 – მესამე ცენტალურ მცველად დაიწყო თამაში და ბევრი შეცდომა ჰქონდა. ფაბრის წყალობით პენალტს გადაურჩა, როდესაც ჩალჰანოღლუს დროს ბურთი ხელზე მოხვდა.

დე შილიო 6 – უკეთესადაც უთამაშია, თუმცა ბორინის აკონტროლებდა.

ბენტანკური 5.5 – ის ბენტანკური, რომელიც სეზონის დასაწყისში იყო, შეიძლება ითქვას, აღარ არსებობს.

ემრე ჯანი 6 – ტრავმის გამო მოედანი მალევე დატოვა. მის გარეშე „იუვემ“ ნახევარდაცვაში ძალიან ბევრი ბურთი დაკარგა.

ხედირა 6 – თამაშში ის ჩაერთო და არა პიანიჩი. ნორმალურად ითამაშა, მაგრამ საუკეთესო კონდიციებისგან შორსაა.

ბერნარდესკი 6.5 – გაცილებით უკეთ ითამაშა, როდესაც მარჯვენა ფლანგზე მოქმედებდა. მოედნის ბოლო 20 მეტრიან ნაწილში სიმტკიცე აკლდა. დიბალას გარეშე გუნდის ლიდერობა მან იტვირთა.

სპინაცოლა 6 – ცდილობდა აქტიურობას, მაგრამ არ გამოუვიდა.

პიანიჩი 7 – 1:1-ის შემდეგ მალევე ჩაერთო თამაშში და გუნდი გაცოცხლდა. მასთან ერთად მოედანზე ერთი გუნდი იყო, მის გარეშე – მეორე. კინს საგოლე პასი გაუკეთა და ბურთიც თავად მოიპოვა.

დიბალა 6 – ერთი საათის განმავლობაში ცუდად ითამაშა, მაგრამ გადამწყვეტი სიტყვა მაინც თქვა. ჯერ პენალტი მოიპოვა და შემდეგ გოლად აქცია. თუმცა, შეცვლის დროს ნეგატიური რეაქცია ჰქონდა.

კინი 7.5 – ისევ ის, ისევ გადამწყვეტი გოლი.

მანჯუკიჩი 6 – ის ბრძოლაში იყო.

შემთხვევითი სიახლე

“იუვეს” განაცხადი “ლაციოსთან”

ტურინის „იუვენტუსის“ განაცხადი რომის „ლაციოს“ წინააღმდეგ ცნობილია. საინტერესოა, რომ ძალიან დიდი ხნის პაუზის შემდეგ „იუვეს“ …

ხედირა: “სანამ დავბრუნდები, “იუვეს” ყველაზე დიდი გულშემატკივარი ვიქნები”

ტურინის „იუვენტუსის“ ნახევარმცველმა სამი ხედირამ ოპერაციის გაკეთების შემდეგ პირველი კომენტარი გააკეთა. გერმანელმა ფეხბურთელმა ტვიტერში დაწერა, …