“იუვე” – “ატლეტიკო”: ფეხბურთელთა შეფასებები

ტურინის „იუვენტუსმა“ „ატლეტიკო“ 3:0 დაამარცხა და ჩემპიონთა ლიგის მეოთხედფინალში გავიდა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – სხვა თამაშში თამაშობდა. ადვილი არაა შეინარჩუნო კონცენტრაცია და არ შეცდე, როდესაც მთელი თამაში მოედნის სხვა ნაწილში მიმდინარეობს.

ემრე ჯანი 7.5 – მოედნის ცენტრში დაიწყო და მესამე ცენტრალურად მცველად იქცა. საუკეთესო თამაში ჰქონდა, მეტს ველით მომდევნო სეზონში, როდესაც კონდიციებს გაიუმჯობესებს.

ბონუჩი 7 – თითქმის უშეცდომოდ ჩაატარა მთელი თამაში. სამ მცველიან ტაქტიკაში პასების დარიგებაც დაიწყო. პირველი ტაიმის ბოლოს მორატა გაექცა, მაგრამ ყოფილმა თანაგუნდელმა საჩუქარი ვერ შეირგო.

კიელინი 8 – პირველ ტაიმში დიდებული იყო. მერე, კინი ბრწყინვალე პასით მეკარესთან პირისპირ დატოვა, რომელსაც შეეძლო მატჩის გმირი გამხდარიყო.

კანსელუ 7 – პირველი ტაიმი კარგი ნამდვილად არ ჰქონდა. თუმცა, მეორე ნახევარსი დასაწყისში იდეალური გადაცემით რონალდუს გაატანინა და ყველაფერი დალაგდა. ამის შემდეგ შეუჩერებელი იყო.

ბერნარდესკი 8 – ფურცელზე მარჯვენა შემტევი იყო, მაგრამ მოედნის ყველა ნაწილში მოქმედებდა. რონალდუმ მისი პასით გახსნა ანგარიში, მესამე გოლზე კი პენალტი გამოიმუშავა. ფედერიკოს შესანიშნავი სეზონი აქვს.

პიანიჩი 6.5 – პასუხისმგებელი იყო „იუვეს“ თამაშის აწყობაში. ზოგჯერ ცდებოდა და სახიფათო სიტუაციებს ქმნიდა.

მატუიდი 7 – ძვირფასი. პიანიჩის ყველა შეცდომა გამოასწორა.

სპინაცოლა 7.5 – ეს იყო ის, რაც ალეგრის სურდა. სპინაცოლამ პირველ წუთებში ბევრი ხიფათი შექმნა და ეს მნიშვნელოვანი ფაქტორი იყო.

დიბალა 6 – სათადარიგო სკამიდან ჩაერთო, რამდენჯერმე ეფექტურად ითამაშა და გუნდს ძალიან დაეხმარა.

მანჯუკიჩი 6 – ხიმენესს და გოდინს შორის ნაკლებად ვხედავდით. თუმცა, რონალდუს გოლების დროს ბინძურ სამუშაოს ასრულებდა.

კინი 6.5 – მზად იყო შემდეგ ეტაპზე გამსვლელი გოლი გაეტანა.

რონალდუ 9 – როგორც ყოველთვის. კრიშტიანუს საღამო ჩემპიონთა ლიგაზე. საღამო აბსოლუტური ჩემპონის.