იტალიის თასის გრაფიკი ცნობილია

იტალიიის თასის 1/8 ფინალური ეტაპის გრაფიკი ცნობილია. „იუვენტუსი“ აღნიშნულ ეტაპზე „ბოლონიას“ დაუპირისპირდება და შეხვედრა 12 იანვარს გაიმართება.

ეს იქნება „იუვეს“ პირველი თამაში 2019 წელს, ხოლო 4 დღის შემდეგ 16 იანვარს, იტალიის სუპერთასზე „მილანს“ საუდის არაბეთში გაეჯიბრება.

„იუვენტუსი“ თუ „ბოლონიას“ დაამარცხებს, შემდეგ ეტაპზე „ატალანტასა“ და „კალიარის“ გამარჯვებულს დაუპირისპირდება. შეგახსენებთ, რომ „იუვემ“ იტალიის თასის ბოლო 4 გათამაშება მიჯრით მოიგო.