იტალიის სუპერთასის გამართვის თარიღი ცნობილია

იტალიის 2018 წლის სუპერთასის გამართვის თარიღი ცნობილია. „იუვენტუსი“ „მილანს“ 2019 წლის 16 იანვარს დაუპირისპირდება. შეხვედრას საუდის არაბეთის ქალაქი ჯიდა უმასპინძლებს.

შეგახსენებთ, რომ „იუვენტუსი“ სუპერთასზე, როგორც მოქმედი ჩემპიონი და თასის მფლობელი ითამაშებს, ხოლო „მილანი“ – თასის ფინალისტის რანგში.

„იუვენტუსმა“ თასის ფინალში სწორედ „მილანი“ დაამარცხა (4:0).