ისკო იუვენტუსის ინტერესთა არეალში მოექცა

მადრიდის რეალის ნახევარმცველი ისკო იუვენტუსის ინტერესთა არეალში მოექცა, ამის შესახებ ინფორმაციას კალჩომერკატო ავრცელებს.

პრობლემა ის არის, რომ მადრიდელებმა 27 წლის ნახევარმცველი 75 მილიონ ევროდ შეაფასეს, და ჯერჯერობით უცნობია, მზად არის თუ არა ბებერი ქალბატონი ამ თანხის გადასახდელად.

ისკოს სამეფო კლუბთან კონტრაქტი 2022 წლის ზაფხულამდე აკავშირებს. გასულ სეზონში ესპანელმა ნახევარმცველმა 37 მატჩი ჩაატარა, 6 გოლი გაიტანა და 1 საგოლე გადაცემა გაიფორმა.