ფაქტები და სტასტისტიკა იტალიის სუპერთასის შესახებ

დღეს იტალიის სუპერთასზე „იუვენტუსი“ და რომის „ლაციო“ შეხვდებიან. წარმოგიდგენთ ფაქტებს და სტატისტიკას მატჩის წინ.

32 – ეს იქნება იტალიის სუპერთასის 32-ე მატჩი. აქამდე სკუდეტოს მფლობელებმა შეხვედრების 71% მოიგეს (31-დან 22).

2 – იტალიის სუპერთასზე ბოლო 5 მატჩიდან 3 იტალიის თასის მფლობელებმა მოიგეს. მათ შორის, ორი პენალტებით „ნაპოლიმ“ 2014 წელს და „მილანი“ 2016 წელს.

15 – „იუვენტუსი“ იტალიის სუპერთასზე მე-15-ედ ითამაშებს. „ლაციო“ კი მერვედ. „იუვეს“ შედეგი სარეკორდია, რომაელები კი მეოთხე ადგილზე არიან.

5 – „იუვენტუსი“ და „ლაციო“ იტალიის სუპერთაზე მეხუთედ ხვდებიან ერთმანეთს. ამაზე მეტჯერ არცერთი გუნდის დაპირისპირება არ გამართულა სუპერთასზე.

4 – წინა ოთხი მატჩიდან ბალანსი თანაბარია: 2 მოგება „იუვეს“, 2 „ლაციოს“. ჯამში კი გუნდებმა ხსენებულ შეხვედრებში 14 გოლი გაიტანეს (საშუალოდ 3.5 გოლი მატჩში).

1 – „იუვენტუსმა“ იტალიის სუპერთასზე ჩატარებული წინა 14 მატჩიდან ერთადერთხელ ვერ შეძლო გოლის გატანა (2005 წელს, „ინტერთან“ 0:1). თავის მხრივ, „ლაციოს“ 7 მატჩიდან სამში გოლი არ გაუტანია.

3 – „ლაციომ“ „იუვენტუსთან“ ბოლო 6 მატჩიდან სამი მოიგო (სამი წააგო). ეს იგივე შედეგია, ვიდრე მანამდე 35 მატჩში ჰქონდა (24 მოგება „იუვეს“, 8 ფრე).

3 – პაულო დიბალას იტალიის სუპერთასზე სამი გოლი აქვს გატანილი და სამივე „ლაციოს“ კარში. არგენტინელს დღეს შეუძლია ტურნირის საუკეთესო ბომბარდირი გახდეს, რადგან ასევე სამ-სამი გოლი აქვთ გატანილი დელ პიეროს, ეტო’ოს, შევჩენკოსა და ტევესს.

10 – თუ ჯანლუიჯი ბუფონი ითამაშებს, გახდება იტალიის სუპერთასზე ჩატარებული მატჩებით რეკორდსმენი. ამჟამად ჯიჯის სუპერთასზე ცხრაჯერ უთამაშია და რეკორდს დეიან სტანკოვიჩთან ერთად იყოს. ორივეს იტალიის სუპერთასი ექვს-ექვსჯერ აქვთ მოგებული.

2 – ჩირო იმმობილეს იტალიის სუპერთასზე ორი გოლი აქვს გატანილი (დუბლი „იუვენტუსთან“ 2017 წელს). „ლაციოს“ არცერთ ფეხბურთელს ამ ტურნირზე მეტი გოლი არ გაუტანია. იგივე შედეგი აქვს კლაუდიო ლოპესს.