ემრე ჯანი: “იუვე” სარის გამო დავტოვე”

ტურინს „იუვენტუსის“ ყოფილმა ფეხბურთელმა ემრე ჯანმა კლუბის დატოვების მიზეზზე ისაუბრა. გერმანელი ფეხბურთელის განცხადებით, ეს მხოლოდ და მხოლოდ მაურიციო სარისგამო გააკეთა.

„სარიმ ტელეფონით დამირეკა და 20 წამში მითხრა, რომ ჩემპიონთა ლიგის განაცხადში არ ვიყავი. ამის შემდეგ მე თამაშის არავითარი შანსი არ მქონდა. „იუვენტუსი“ მის გამო დავტოვე და ამას არანაირი კავშირი არ აქვს კლუბთან და გულშემატკივრებთან“, – თქვა ემრე ჯანმა.

შეგახსენებთ, რომ გერმანელი „იუვენტუსს“ 2018 წლის ზაფხულში შეუერთდა და ტურინი წელიწადნახევარში დატოვა.