დემირალმა სტადიონი ყავარჯნებით დატოვა

ტურინის „იუვენტუსის“ ფეხბურთელმა მერიჰ დემირალმა „რომასთან“ მატჩში მუხლის ტრავმა მიიღო. თურქმა ფეხბურთელმა მე-3 წუთზე ანგარიში გახსნა და ტურინელთა რიგებში სადებიუტო გოლი გაიტანა, მაგრამ მე-19 წუთზე დაშავდა და მოედანი დატოვა.

დემირალი შესანიშნავ ფორმაში იყო, ახლა კი შესაძლოა საქმე სერიოზულ ტრავმასთან გვქონდეს. მერიჰმა „სტადიო ოლიმპიკო“ ყავარჯნებით დატოვა. მაურიციო სარიმაც პესიმისტური კომენტარი გააკეთა:

„ხვალ დილამდე მისი მდგომარეობა ცნობილი არ იქნება. მაგრამ თავდაპირველი განცდებით, ვფიქრობ, სერიოზული დაზიანებაა“, – თქვა სარიმ.

დემირალს სამედიცინო გამოკვლევა ორშაბათ დილით ჩაუტარდება და უფრო რეალური სურათი გახდება ცნობილი.

Not looking good for Demiral [@MaxNerozzi] pic.twitter.com/u4sS47SAFU

— Juventus News – Juvefc.com (@juvefcdotcom) January 12, 2020