მთავარი / სიახლეები / დარმიანი თითქმის “იუვეს” ფეხბურთელია

დარმიანი თითქმის “იუვეს” ფეხბურთელია

ტურინის „იუვენტუსი“ ახალოსაა მატეო დარმიანის ტრანსფერთან. Gazzetta Dello Sport-ის ინფორმაციით, მხარეებს შორის შეთანხმება უკვე შედგა და უახლოეს დღეებში ფეხბურთელი იტალიაში დაბრუნდება.

როგორც იტალიური მედია წერს, 29 წლის დარმიანი „იუვეს“ იჯარის წესით შეუერთდება, ხოლო მისი გამოსყიდვა ზაფხულში 4 მილიონი ევროს სანაცვლოდ იქნება შესაძლებელი.

დარმიანის ტრანსფერი ნიშნავს, რომ გუნდს მიმდინარე თვეში ერთ-ერთი ფლანგის მცველი დატოვებს. ეს თითქმის გადაწყვეტილია, რომ ლეონარდო სპინაცოლა იქნება, რომლის დამატება იჯარით „ბოლონიას“ უნდა. ამის შესახებ დღეს პრესკონფერენციაზე მასიმილიანო ალეგრიმაც გააკეთა განცხადება:

„სპინაცოლა იმ შემთხვევაში წავა, თუ მის შემცვლელს ვიპოვით. ლეონარდო „იუვეს“ დონის ფეხბურთელია, მაგრამ მუდმივი სათამაშო პრაქტიკა სჭირდება“, – თქვა ალეგრიმ.

შეგახსენებთ, რომ სპინაცოლა „იუვეში“ გასულ ზაფხულს დაბრუნდა, თუმცა ტრავმის გამო აქამდე მხოლოდ ერთხელ ითამაშა. რაც შეეხება დარმიანს, „მილანის“ აღზრდილია, სახელი „ტორინოში“ გაითქვა, ხოლო 2015 წლიდან „მანჩესტერის“ რიგებში თამაშობს.

აღსანიშნავია, რომ სპინაცოლას დარად, დარმიანსაც მარჯვენა და მარცხენა ფლანგზე თამაში შეუძლია.

შემთხვევითი სიახლე

“იუვე” – “ატალანტა”: ფეხბურთელთა შეფასებები

ტურინის „იუვენტუსი“ სერია A-ს მე-19 ტურში „ატალანტას“ საკუთარ მოედანზე დაუზავდა (3:3). გთავაზობთ ფეხბურთელთა შეფასებებს Calciomercato-ს …

ფერერო და სკანავინო ფეხბურთელებს: “ახლა, ყველამ ჩვენი საქმე უნდა ვაკეთოთ”

ტურინის „იუვენტუსის“ პრეზიდენტი ჯანლუკა ფერერო და აღმასრულებელი დირექტორი მაურიციო სკანავინო ფეხბურთელებს შეხვდნენ. კლუბის ახალმა ხელმძღვანელებმა …