ცენტრალური მცველი “ატლეტიკოსაც” გამოაკლდა

ლეონარდო ბონუჩის რომ შესაძლოა, „ატლეტიკოსთან“ პირველი მატჩი გაუცდეს, გითხარით. თავის მხრივ, წამყვანი ცენტრალური მცველი „ატლეტიკოსაც“ გამოაკლდა. კაპიტანი დიეგო გოდინი ტრავმირებულია.

ურუგვაელმა დაზიანება „ხეტაფესთან“ მატჩში მიიღო და მარჯვენა ფეხის ბარძაყის კუნთი აქვს დაზიანებული. უკვე ცნობილია, რომ უახლოეს მატჩებში ვერ ითამაშებს.

ტალიური მედიის ცნობით, გოდინმა 20 თებერვლამდე, როდესაც „იუვესთან“ მატჩი მადრიდში შედგება, გამოჯანმრთელება უნდა მოასწროს. თუმცა, შეიძლება ისე მოხდეს, რომ გამოცდილი ფეხბურთელი „როხიბლანკოს“ ვერ დაეხმაროს.

აღსანიშნავია, რომ გოდინის გარდა, დიეგო სიმეონეს კიდევ ერთი ცენტრალური მცველი ჰყავს დაშავებული – სტეფან სავიჩი. თუ ვერცერთი მოედანზე ვერ გავა „იუვეს“ წინააღმდეგ, მაშინ მეტოქის დაცვის ხაზს ხოსე ხიმენესი და ლუკას ერნანდესი გაამაგრებენ.