ტურინის „იუვენტუსის“ მეკარის ჯანლუიჯი ბუფონის აგენტმა სილვანო მარტინამ განაცხადა, რომ მას ფეხბურთის თამაში 44 წლამდე შეუძლია. მარტინა ჯიჯის ურჩევს, რომ მომავალში სამწვრთნელო კარიერა დაიწყოს.
„ტურინში დაბრუნება? მე ვიტყოდი, რომ ძალიან სწორი არჩევანია, რადგან ჯერ კიდევ კონკურენტუნარიანია, ძლიერია. იანვარში 42 წლის გახდება. ვფიქრობ, რომ ამ სეზონში თამაშის საკმარისი შესაძლებლობა მიეცემა. მთავარია, რომ კარგად თამაშობს.
მომავალი? ახალი ნედვედის როლში? არ ვიცი, ვფიქრობ, თამაში კიდევ ორი წელი თავისუფლად შეუძლია, 44 წლამდე. რას იზამს შემდეგ? მე პირადად ვურჩევდი, რომ მწვრთნელი გახდეს, მას შემდეგ, რაც კარიერას დაასრულებს, ყველაფრის გაკეთება შეუძლია“, – თქვა მარტინამ.