ტურინის „იუვენტუსის“ ნახევარმცველის, როდრიგო ბენტანკურის ტრავმა სერიოზული არაა. ამის შესახებ თავად ურუგვაელი ფეხბურთელი ირწმუნება, რომელმაც განაცხადა, რომ მოედანზე მალე დაბრუნდება.
„ეს მტკივნეული მარცხია, მაგრამ ფეხზე უნდა წამოვდგეთ, ვისწავლოთ დაშვებული შეცდომებისგან და გავაგრძელოთ მუშაობა. ამ დილით სამედიცინო შემოწმება გავაირე და საბედნიეროდ სერიოზული არაა. მადლობა ყველა გამხნევებისთვის და ძალიან მალე დავბრუნდები“, – დაწერა ბენტანკურმა ინსტაგრამში.
ტურინის „იუვენტუსის“ ვებგვერდი კი, ურუგვაელის ტრავმის შესახებ წერს, რომ დაზიანებულ ფეხზე დაკვირვება ეტაპობრივად, დღითიდღე უნდა განხორციელდეს.