ანიელისა და ალეგრის შეხვედრამ საკითხი ღია დატოვა

მასიმილიანო ალეგრისა და ანდრეა ანიელის პირველმა შეხვედრამ შედეგი ვერ გამოიღო. იტალიური მედიის ცნობით, მიუხედავად იმისა, რომ ორივე მხარემ თანამშრომლობის გაგრძელების სურვილი გამოთქვა, ჯერჯერობით გადაწყვეტილი არაფერია.

როგორც ცნობილი გახდა, შეხვედრას კლუბის ხელმძღვანელობის ყველა წევრი უნდა დაესწროს და არამხოლოდ პავენ ნედვედი და ფაბიო პარატიჩი.

მოცემული ვითარებით, ორი ვარიანტია: ალეგრი „იუვესთან“ კონტრაქტის 2021 წლის ზაფხულამდე გაახანგრძლივებს, წინააღმდეგ შემთხვევაში კი გუნდის დატოვება მოუწევს.

სავარაუდოდ, ყველაფერი უახლოეს დღეებში საბოლოოდ გაირკვევა.