ბოლო დროს ევროპულ ფეხბურთში ახალი ტურნირის სუპერლიგის შექმნის იდეის შესახებ დიდი მითქმა-მოთქმაა. ამბობენ, რომ ამ პროექტში ჩართულია „იუვენტუსიც“ და „ბაიერნთან“ ერთად მთავარი ლობირია, რომ სუპერლიგა შეიქმნას.
თუმცა, BBC-სთან ინტერვიუში „იუვეს“ პრეზიდენტმა ანდრეა ანიელიმ ეს ინფორმაცია უარყო:
„შემიძლია დავადასტურო, რომ ეს არც განიხილება. ჩვენ ჩართული არ ვართ პროექტში. უეფას მთლიანად გვერდში ვუდგავართ და მასთან ერთად ვმუშაობთ ფეხბურთის განვითარებაზე“, – თქვა ანდრეამ.
აღსანიშნავია, რომ სუპერლიგის შექმნა გამორიცხა უეფას პრეზიდენტმა ალექსანდრ ჩეფერინმაც და აღნიშნა, რომ ამ საკითხზე საუბარიც არ იქნება.
შეგახსენებთ, რომ სუპერლიგის შემქნის შემთხვევაში 16 ევროპული გუნდი დატოვებდა ეროვნულ ჩემპიონატებსა და უეფას ტურნირებს (მათ შორის ჩემპიონთა ლიგასაც) და მთლიანად სუპერლიგაზე გადაერთვებოდნენ.