მთავარი / სიახლეები / ამაური: “მთელმა იტალიამ “იუვეს” უნდა უქომაგოს”

ამაური: “მთელმა იტალიამ “იუვეს” უნდა უქომაგოს”

ტურინის „იუვენტუსის“ ყოფილმა თავდამსხმელმა ამაურიმ იტალიურ მედიას ინტერვიუ მისცა. ბრაზილო-იტალიელი ფეხბურთელი სხვადასხვა საკითხებს შეეხო, მათ შორის, „პალერმოსა“ და „ნაპოლიში“ გატარებულ პერიოდს.

თუმცა, ჩვენ იმ მონაკვეთებს გაგაცნობთ, რომელშიც „იუვენტუსის“ ირგვლივ საუბრობს.

– „იუვენტუსში“ გატარებულ პერიოდს როგორ გაიხსენებთ?

– კარგი და ცუდი დრო გამოვიარე. კარგ პერიოდში მივედი, ხოლო შემდეგ 2009-2011 წლებში რაღაც შეიცვალა. ხელმძღვანელობა პრაქტიკულად აღა გვყავდა, ფეხბურთელები დეზორიენტირებულები ვიყავით, ჩემპიონატში ზედიზედ ორჯერ გავედით მეშვიდე ადგილზე.

– შემდეგ?

– დაბრუნდა ანიელი და გადაწყდა, რომ ამაური მათ გეგმებში აღარ შედიოდა.

– სერია A-ს უყურებთ?

– რა თქმა უნდა, რადგან იქ დავტოვე მეგობრები, რომლებიც ახლა მწვრთნელები არიან ან ისევ ფეხბურთელები.

– რა აზრის ხართ?

– ლამაზი ჩემპიონატია. მიუხედავად იმისა, რომ პირველ და მეორე ადგილებს შორის დიდი სხვაობაა. „იუვემ“ მსოფლიოს საუკეთესო ფეხბურთელით აღიჭურვა, „ნაპოლი“ კი კარგად პასუხობს.

– „იუვენტუსი“ ჩემპიონთა ლიგის მერვედფინალურ ეტაპს დაძლევს?

– ურთულესი იქნება. „ატლეტიკომ“ დაამტკიცა, რომ მტკიცე გუნდია, მაგამ „იუვე“ სახლში ითამაებს და ჰყავს შესაბამისი ფეხბურთელები ქამ-ბექისთვის. მთელმა იტალიამ „იუვენტუსს“ უნდა უგულშემატკივროს.

– „ნაპოლის“ ტიფოზები არ დაგეთანხმებიან…

– კარგად ვიცი, მაგრამ „იუვენტუსი“ იტალიური გუნდია, როგორც „რომა და ჩემპიონთა ლიგა იტალიაში უნდა დაბრუნდეს.

– ყველაზე ძლიერი ფეხბურთელი, რომელთანაც გითამაშიათ?

– მქონდა შესაძლებლობა, რომ ჩემი კარიერის განმავლობაში ბევრ ჩემპიონთან ერთად მეთამაშა, მაგალითად, მიკოლი, კრესპო, კასანო, ტრეზეგე…

– ერთი დაასახელეთ…

– თუ ერთი უნდა ავირჩიო… ლეგენდა ალექს დელ პიერო.

შემთხვევითი სიახლე

რონალდუს კორონავირუსი ისევ აქვს და “ბარსელონასთან” ვერ ითამაშებს

“იუვენტუსის” თავდამსხმელის, კრიშტიანუ რონალდუს „ბარსელონასთან“ თამაში საბოლოოდ გამოირიცხა. პორტუგალიელს ამის შანსი შერჩენილი ჰქონდა, მაგრამ კორონავირუსის …

კუმანი: “იუვე” შესანიშნავი გუნდია და გამოცდილი ფეხბურთელები ჰყავს”

„ბარსელონას“ მთავარმა მწვრთნელმა რონალდ კუმანმა „იუვენტუსთან“ მატჩამდე პრესკონფერენცია გამართა. ნიდერლანდელი სპეციალისტის განცხადებით, „იუვე“ ძალიან ძლიერი …