ალეგრის მეგობარი: “ჩემი აზრით, მაქსი “იუვეში” ბრუნდება”

ვეტერანმა იტალიელმა მწვრთნელმა ჯოვანი გალეონემ, რომელიც მასიმილიანო ალეგრის მეგობარია და ერთ დროს მრჩეველიც იყო, განაცხადა, რომ მისი აზრით, მაქსი „იუვეში“ დაბრუნდება. იტალიურ მედიასთან გალეონემ აღნიშნა, რომ ალეგრი ტურინში ბრუნდება, თუმცა კონკრეტული დეტალები არ დაუსახელებია.

„იუვენტუსი“, როგორც „მილანი“, ჩემპიონთა ლიგის საგზურისთვის ბრძოლაში კარგად არ გამოდიან, „ნაპოლი“ და „ატალანტა“ უკეთ გამოიყურებიან. არ ვიცი, ანიელი დაურეკავს თუ არა ალეგრის. თუ „იუვე“ უდინეში წააგებს, პირლოს გაუშვებენ და ვის მიანდობენ გუნდს? ჩიჩო გრაბის? არ ვიცი, „იუვეში“ მომდევნო მწვრთნელის საკითხს ვინ გადაწყვეტს. ვფიქრობ, ამას ჯონ ელკანი გააკეთებს.

შეიძლება, ბოლოს ანიელიმ ალეგრის მაინც დაურეკოს, მათ შესანიშნავი ურთიერთობა აქვს. ჩემი შეგრძნებით, ალეგრი „იუვენტუსში“ ბრუნდება. მისი დუმილი და დაბრუნების სურვილი მარწმუნებს, რომ რაღაც კონკრეტული ხდება“, – თქვა გალეონემ.