ანდრეა ანიელისა და მასიმილიანო ალეგრის შეხვედრა მხოლოდ ოთხშაბათს გაიმართება, მაგრამ მნიშვნელოვანი ცნობები გავრცელდა ალეგრის ტურინულ მომავალთან დაკავშირებით.
Corriere Dello Sport-ის ინფორმაციით, რომიდან დაბრუნების შემდეგ უძრავი ქონების აგენტს შეხვდა და ტურინში ახალი სახლის მოძებნა დაავალა. ცხადია, სანამ ყველაფერი დადასტურდება, მანამდე ყველაფერი ვარაუდია, მაგრამ ეს მიანიშნებს, რომ ალეგრი „იუვენტუსში“ მუშაობას გააგრძელებს.
ყოველივე ამის მიუხედავად გუშინ პაველ ნედვედმა იდუმალებით მოცული კომენტარი გააკეთა ალეგრის მომავალზე. თავის მხრივ, იტალიელი მწვრთნელი დარწმუნებულია, რომ „იუვეში“ დარჩება და ამის შესახებ გუშინდელი მატჩის შემდეგაც ისაუბრა.