“აიაქსი” – “იუვენტუსის” ბილეთები 40 წუთში გაიყიდა

ამსტერდამის „აიაქსისა“ და „იუვენტუსის“ მატჩზე დასასწრები ბილეთები 40 წუთში გაიყიდა. როგორც Tuttosport-ი იტყობინება, „იოჰან კრუიფის“ არენაზე გასამართი მეოთხედფინალური პირველი მატჩისთვის ბილეთების გაყიდვა ადგილობრივი დროით 10 საათზე დაიწყო და 10:40 საათზე უკვე ყველა ბილეთი რეალიზებული იყო.

„აიაქსის“ საშინაო სტადიონი 54 ათას მაყურებელ იტევს და რა თქმა უნდა, „იუვენტუსთან“ შეხვედრაში სტადიონზე სრული ანშლაგი იქნება.

შეგახსენებთ, რომ აღნიშნული მატჩი 10 აპრილს გაიმართება.