ფაქტები და სტატისტიკა “იუვე” – “სასუოლოს” მატჩიდან

ტურინის „იუვენტუსმა“ სერია A-ს პირველ ტურში „სასუოლოს“ 3:0 ანხელ დი მარიას გოლი და დუშან ვლაჰოვიჩის დუბლით მოუგო. გთავაზობთ ამ შეხვედრაში დაფიქსირებულ საინტერესო ფაქტებსა და სტატისტიკას.

13-დან 12 – ბოლო 13 შემთხვევაში, როცა „იუვენტუსმა“ სეზონი საშინაო მატჩით გახსნა, ტურინელებმა 12 მატჩი მოიგეს. ერთადერთი გამონაკლისია 2015 წლის აგვისტო, როცა „უდინეზემ“ ტურინში სირილ ტეროს გოლით მოიგო.

არგენტინელთა „კლუბი“ – ანხელ დი მარია მეხუთე არგენტინელია (ორიუნდების გამოკლებით), რომელმაც ამ საუკუნეში „იუვენტუსის“ მაისურით გოლი გაიტანა სერია A-ში ტევესის, პერეირას, დიბალასა და იგუაინის შემდეგ.

11 გოლი – დუშან ვლაჰოვიჩმა „იუვენტუსის“ მაისურით სერია A-ში 11 გოლი გაიტანა. მხოლოდ ლაუტარო მარტინესმა (13) და ჩირო იმობილემ შეძლეს უფრო მეტი გოლის გატანა ამ პერიოდში. საუბარია სერია A-ზე.

ლეომ დინოს გადაასწრო – ლეონარდო ბონუჩიმ „იუვენტუსის“ მაისურით ყველა ტურნირზე 477-ე თამაში ჩაატარა და დინო ძოფს გაუსწრო (476). ახლა ის მეშვიდე ადგილზე ერთპიროვნულადაა.