ევროპის ჩემპიონატი ტურინის „იუვენტუსის“ თავდამსხმელმა კრიშტიანუ რონალდუმ შესანიშნავად დაიწყო და უნგრეთის ნაკრებთან მოგებულ მატჩში (3:0) დუბლი შეასრულა, თან რეკორდებიც დაამყარა.
რონალდუს ანგარიშზე ახლა ერთბაშად სამი ახალი რეკორდია: ევროპის ჩემპიონატის ყველა დროის საუკეთესო ბომბარდირი (11 გოლი), პირველი ფეხბურთელია, ვინც ხუთ ევროპის ჩემპიონატზე ითამაშა და ხუთივეზე გოლი გაიტანა.
კრიშტიანუმ „იუვეს“ ყოფილ ფეხბურთელ მიშელ პლატინის გადაასწრო. აქამდე, მასთან ერთად 9 გოლით იყოფდა ლიდერობას, მაგრამ ახლა 2 გოლით გაუსწრო და შანსი აქვს, უპირატესობა კიდევ უფრო გაზარდოს.
რონალდუს 2004 წლიდან ყველა დიდ სანაკრებო ფორუმზე აქვს გოლი გატანა – ხუთ ევროპის ჩემპიონატზე ოთხ მსოფლიოს ჩემპიონატზე. შეგახსენებთ, პორტუგალიის ნაკრები მეორე ტურში გერმანიის ნაკრებს შეხვდება (19 ივნისს).
Cristiano Ronaldo 🤩
⚽️ All-time EURO top scorer (11 goals)
🇵🇹 All-time top scorer for Portugal (106 goals)
👕 First player to appear at 5 EURO final tournaments
👏 First player to score at 5 consecutive EURO final tournaments #EURO2020 pic.twitter.com/rjJ7C5iXo1— UEFA EURO 2020 (@EURO2020) June 15, 2021