ფედერიკო კიეზა „ნაპოლისთან“ არ ითამაშებს. „იუვენტუსის“ ვებგვერდმა აღნიშნული ინფორმაცია დაადასტურა.
კიეზამ იტალიის ნაკრების შეკრებაზე კუნთებზე დისკომფორტი იგრძნო და სამედიცინო გამოკვლევამ დაზიანება არ დაადასტურა, მაგრამ კლუბმა ფეხბურთელთან შეთანხმებით გადაწყვეტილება მიიღო და სიფრთხილის გამო ფეხბურთელი ნეაპოლში არ ითამაშებს.
„იუვეს“ დანაკლისი ძალიან დიდია. გუნდს სამხრეთ ამერიკელი ფეხბურთელები მხოლოდ პარასკევ საღამოს შეუერთდებიან, როცა გუნდი უკვე ნეაპოლში იქნებიან, რადგან სანაკრებო მატჩები კონმებოლში ჯერ კიდევ არ გამართულა.
დანილო, ხუან კუადრადო, ალექს სანდრო, როდრიგო ბენტანკური და პაულო დიბალა „ნაპოლისთან“ ვერ ითამაშებენ, ან უკეთეს შემთხვევაში რამდენიმე მათგანი სათადარიგო სკამზე თუ მოხვდება. ამის ფონზე კიეზას დანაკლისი კიდევ უფრო საგრძნობია.
შეგახსენებთ, რომ „ნაპოლისა“ და „იუვენტუსის“ მატჩი 11 სექტემბერს გაიმართება.