ტურინის „იუვენტუსის“ ნახევარმცველმა ფედერიკო კიეზამ ავსტრიასთან შეხვედრაში იტალიის ნაკრების გამარჯვებაში დიდი წვლილი შეიტანა და დამატებით დროში ანგარიში სწორედ მან გახსნა.
მატჩის შემდეგ ფედერიკომ კომენტარი გააკეთა და განაცხადა, რომ ასეთ ტურნირზე თამაშში ჩართვა გვიან არასდროს არ არის.
„ავსტრიამ კარგად ითამაშა და ვულოცავ მათ, მაგრამ ვფიქრობ ჩვენ მეოთხედფინალში გასვლას ვიმსახურებდით. მსგავს ტურნირში თამაშში ჩართვა დაგვიანებული არასდროს არ არის. ჩვენთან არ არის ძირითადი შემადგენლობის მხოლოდ 11 ფეხბურთელი, ასეთი 26 მოთამაშეა და ამჯერადაც დადასტურდა, რომ ერთიანი გუნდი ვართ.
გოლი? დიდი ემოცია იყო. ავსტრია ინტენსიური და აგრესიული გუნდია, მაგრამ ამასთანავე ბევრი ხარისხიანი ფეხბურთელი ჰყავს. ამიტომ, გაგვიჭირდა, თუმცა მომდევნო ეტაპზე დამსახურებულად გავედით, – თქვა კიეზამ.
შეგახსენებთ, რომ იტალია მეოთხედფინალში 2 ივლისს, ბელგიისა და პორტუგალიის წყვილში გამარჯვებულს შეხვდება.