Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ მცველის, დანილოს ტრავმა სერიოზული გამოდგა და ორი თვე ვერ ითამაშებს.
ბრაზილიელ ფეხბურთელს სამედიცინო შემოწმება ჩაუტარდა, რომელმაც აჩვენა, რომ ბარძაყის კუნთი დაზიანებულია და როგორც კლუბის ოფიციალურ განცხადებაშია აღნიშნული, სარეაბილიტაციო პერიოდს 8 კვირა დასჭირდება.
დანილომ ტრავმა რომის „ლაციოსთან“ მატჩის დასაწყისში ელშეიდ ჰისაისთან შეჯახებისას მიიღო და მოედანი დატოვა.
დანილო „იუვენტუსის“ დაცვის ხაზის შეუცვლელი ფიგურაა და მიმდინარე სეზონში 13 მატჩი ჩაატარა. თუმცა, იანვრამდე გუნდს ვერ დაეხმარება და მასიმილიანო ალეგრის გუნდისთვის ეს საკმაოდ სერიოზული დანაკლისია.
