“არსენალს” ლოკატელის გადაბირება სურს და “იუვეს” ბარტერს სთავაზობს

ლონდონის „არსენალს“ ტურინის „იუვენტუსის“ ნახევარმცველის, მანუელ ლოკატელის გადაბირება სურს. ამის შესახებ Daily Express-ი წერს.

წყაროს თანახმად, ლონდონელებს ლოკატელის ტრანსფერზე მუშაობა იანვრის სატრანსფერო ფანჯრის დროს სურთ და მზად არიან „იუვეს“ ბელგიელი ნახევარმცველი ალებრტ სამბი ლოკონგა გაუცვალონ. საუბარია სუფთა ბარტერზე, ინგლისელები ლოკონგას 30 მილიონ ევროდ აფასებენ და ლოკატელიც ასე შეაფასეს.

შეგახსენებთ, რომ მანუელ ლოკატელი „იუვენტუსში“ 2021 წლიდან თამაშობს და დღემდე 50 მატჩი ჩაატარა.