არივაბენე: “ტრანსფერების გამო გვაკრიტიკებენ, მაგრამ კლუბის ფინანსური მდგომარეობა დაავიწყდათ”

ტურინის „იუვენტუსის“ გენერარულმა დირექტორმა მაურიციო არივაბენემ დირექტორთა საბჭოს წევრებთან შეხვედრაზე კომენტარი გუნდის სატრანსფერო პოლიტიკაზე გააკეთა.

როგორც მან განაცხადა, კლუბი მომავალშიც გააგრძელებს სატრანსფერო ბაზარზე ფრთხილად მოქმედებას და გულშემატკივრებს დაავიწყდათ კლუბის მძიმე ფინანსური მდგომარეობა.

„ბოლო დროს კრიტიკა იყო, მაგრამ როგორც ჩანს მათ დაავიწყდათ კლუბის ფინანსური მდგომარეობა. ზაფხულში ფრთხილი არჩევანი გაკეთდა და ასე იქნება მომავალშიც. ჩვენ გვჭირდება მდგრადი ზრდა, რაც ნიშნავს ანგარიშების უფრო ეფექტურობას და კონკურენტუნარიანობის შენარჩუნებას. ეს ყოველთვის ადვილი არ იქნება, მაგრამ ეს არის ის, რისი გაკეთებაც გვინდა“, – თქვა არივაბენემ.