მთავარი / სიახლეები / შჩესნი: “პოგბამ და დი მარიამ გუნდში ხარისხი და გამოცდილება მოიტანეს”

შჩესნი: “პოგბამ და დი მარიამ გუნდში ხარისხი და გამოცდილება მოიტანეს”

ტურინის „იუვენტუსის“ მეკარე ვოიცეხ შჩესნიმ ამერიკულ ტურნეზე ისაუბრა. როგორც პოლონელმა ფეხბურთელმა აღნიშნა, იქ ყოფნა ძალიან სასიამოვნოა და ასევე ისაუბრა ანხელ დი მარიასა და პოლ პოგბაზე.

„ძალიან სასიამოვნო ტურნეა. ეს გამოცდილება ბოლო 2-3 წლის განმავლობაში გვაკლდა პანდემიის გამო და ახლა აქ ყოფნა შესანიშნავია. აქ ოფიციალურ მატჩს არ ჩავატარებთ, მაგრამ ყოველთვის საინტერესოა საუკეთესოების წინააღმდეგ თამაში. ჩვენ უკვე ვითამაშეთ პირველი ამხანაგური მატჩი ლას ვეგასში, მაგრამ ახლა კიდევ ორი შეხვედრა გვაქვს „ბარსელონასთან“ და „რეალთან“, რითაც დონე ამაღლდება. სასიამოვნოა საკუთარი თავის საუკეთესოებთან გამოცდა.

დი მარიამ და პოგბამ გუნდში გამოცდილება მოიტანეს. ჩვენი შემადგენლობა საკმაოდ ახალგაზრდულია და ახალგაზრდებს მათგან მხოლოდ სწავლა შეუძლიათ. გარდა ამისა, ჩვენ ვსაუბრობთ ორ მოთამაშეზე, რომლებსაც წარმოუდგენელი ხარისხი აქვთ. მათი წვლილი მოედანზე მნიშვნელოვანი იქნება და იმედი მაქვს, რომ ისინი დაგვეხმარებიან“, – თქვა შჩესნიმ.

შეგახსენებთ, რომ „იუვენტუსმა“ „ჩივასი“ 2:0 დაამარცხა, მომდევნო ამხანაგურ მატჩს კი 27 ივლისს, „ბარსელონასთან“ ჩაატარებს.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …