ფაქტები და სტატისტიკა “იუვე” – “ტორინოს” მატჩიდან

„იუვენტუსმა“ სერია A-ს 24-ე ტურში „ტორინო“ 4:2 დაამარცხა. გთავაზობთ ამ მატჩში დაფიქსირებულ სტატისტიკასა და ფაქტებს.

„იუვენტუსს“ სერია A-ში ბოლო 16 ტურინული დერბი არ წაუგია (12 მოგება, 4 ფრე). ბოლო 11 გოლიდან 7 კი „ბიანკონერიმ“ „ტორინოს“ წინააღმდეგ მატჩების ბოლო 20 წუთში გაიტანა.

ეს იყო მესამე შემთხვევა, როდესაც „იუვემ“ ტურინული დერბი ისე მოიგო, რომ 4 გოლი გაიტანა მასიმილიანო ალეგრის ხელმძღვანელობით. მანამდე 2016 და 2017 წლებში.

1995 წლის 25 იანვრის შემდეგ პირველად ტურინული დერბის პირველ ტაიმში მინიმუმ 4 გოლი გავიდა.

„იუვენტუსში“ თამაშის შემდეგ (2015-2016 წლების სეზონი) ხუან კუადრადომ ყველაზე მეტ გოლში მონაწილეობა სერია A-ში „ტორინოს“ წინააღმდეგ მიიღო – 14 მატჩში 3 გოლი და 6 საგოლე პასი.

ანხელ დი მარიამ (35 წლის და 14 დღის) გახდა მეორე ხანდაზმული მოთამაშე, რომელმაც სერია A-ში თავის სადებიუტო სეზონში მინიმუმ 4 გოლი გაიტანა და 4 საგოლე პასი გააკეთა, ეშლი იანგის შემდეგ (2019-2020 წლების სეზონში).

გლეისონ ბრემერმა სერია A-ში 13 გოლი გაიტანა და ბოლო ოთხ სეზონში ცენტრალურ მცველებს შორის მასზე მეტი გოლი არავის გაუტანია.

ადრიენ რაბიომ სერია A-ს მიმდინარე სეზონში 5 გოლი გაიტანა, რაც ტოპლიგაში ერთი სეზონისთვის მისი პირადი რეკორდია.

დანილომ მიმდინარე სეზონში სერია A-ში 6 გოლში მიიღო მონაწილეობა (3 გოლი, 3 საგოლე პასი) და „იუვენტუსში“ თამაშის პერიოდში ასეთი შედეგი არასდროს ჰქონია.

ენცო ბარენეჩეა „იუვენტუსის“ პირველი ფეხბურთელია, რომელსაც დებიუტი სერია A-ში ძირითად შემადგენლობაში ჰქონდა (3-ქულიან ერაში, 1994 წლიდან). ზოგადად, ბოლოს ტურინულ დერბიში სასტარტოში დებიუტი 2001 წელს ფრანკო სემიოლის ჰქონდა „ტორინოს“ მაისურით.

პოლ პოგბამ „იუვენტუსის“ რიგებში 2481 დღის შემდეგ პირველად ითამაშა „ალიანც სთედიუმზე“ – 2016 წლის 14 მაისის შემდეგ პირველად.