მთავარი / სიახლეები / ტაკინარდი: “ვიცი, რომ “იუვეს” “ნაპოლის” ნახევარმცველის დამატება სურს”

ტაკინარდი: “ვიცი, რომ “იუვეს” “ნაპოლის” ნახევარმცველის დამატება სურს”

ტურინის „იუვენტუსის“ ყოფილმა ნახევარმცველმა ალესიო ტაკინარდიმ „ბებერი ქალბატონის“ შესახებ ისაუბრა. როგორც მან თქვა, აქვს ინფორმაცია, რომ ტურინელები „ნაპოლის“ ნახევარმცველის, ფაბიან რუისის შეძენით არიან დაინტერესებული.

„სათადარიგო თავდამსხმელი? სიმართლე გითხრათ, არ ვიცი „იუვეს“ როგორი სტრატეგია აქვს. შარშან მოუმზადებლები აღმოჩნდნენ, არა მათი ბრალეულობით, არამედ რონალდუს წასვლით. მაქვს განცდა, რომ ახლა მკაფიო იდეები აქვთ. ჯეკო ძლიერია, ისევე, როგორც არნაუტოვიჩი, მაგრამ წარმოდგენა არ მაქვს, რას გადაწყვეტენ. მე პირადად მორატას შევინარჩუნებდი, როგორც კალათბურთში საჭირო მეექვსე მოთამაშეს, ის სწორი პროფილი იყო.

ვიცი, რომ ისინი „ნაპოლის“ ფეხბურთელს აკვირდებიან, ფაბიან რუისზე ვსაუბრობ, რომელიც რაბიოსგან სრულიად განსხვავებულია. „იუვემ“ უნდა გაიგოს, როგორ ითამაშოს. პოგბას და დი მარიას შეუძლიათ 4-3-3 სქემაში თამაში, მაგრამ ასევე ორნახევარმცველიან ტაქტიკაშიც. ისინი ხარისხიანი ფეხბურთელები არიან და გამარჯვებისთვის მზად არიან. თუმცა, თუ მათ იმატებ, ხელი ტაქტიკითაც უნდა შეუწყო, რადგან თუ დი მარიას ყიდულობ, კონტრშეტევაზე ვერ ითამაშებ“, – თქვა ტაკინარდიმ.

შემთხვევითი სიახლე

ბუფონი: “იუვე” სეზონის განახლების შემდეგ შეიძლება შეუჩერებელი იყოს”

„პარმას“ მეკარე ჯანლუიჯი ბუფონმა „იუვენტუსის“ შესახებ ისაუბრა და თქვა, რომ ტრავმირებული ფეხბურთელების დაბრუნების შემდეგ მასიმილიანო …

ფილიპ კოსტიჩი სერია A-ში ნოემბრის საუკეთესო ფეხბურთელად დასახელდა

ტურინის „იუვენტუსის“ ნახევარმცველი ფილიპ კოსტიჩი იტალიის ფეხბურთელთა ასოციაციამ სერია A-ში ნოემბრის თვის საუკეთესო ფეხბურთელად დაასახელა. …