მთავარი / სიახლეები / სალიჰამიჯიჩი: “დე ლიხტის ტრანსფერზე რაღაცები უკვე მოვაგვარეთ”

სალიჰამიჯიჩი: “დე ლიხტის ტრანსფერზე რაღაცები უკვე მოვაგვარეთ”

მიუნხენის „ბაიერნის“ სპორტულმა დირექტორმა ჰასან სალიჰამიჯიჩმა მატაის დე ლიხტის ტრანსფერზე ისაუბრა და თქვა, რომ რაღაც საკითხები ამ კუთხით უკვე მოგვარებულია.

ბოსნიელი მენეჯერი ოპტიმისტურადაა განწყობილი და ფიქრობს, რომ ამ ეტაპისთვის კარგ სიტუაციაში არიან.

„იუვენტუსთან“ კარგი ურთიერთობა მაქვს, ჩემთვის მნიშვნელოვანი იყო კერუბინისთან და ნედვედთან საუბარი. რამდენიმე მოლაპარაკება გვქონდა, ახლა მოთმინება გვჭირდება და ვნახოთ, რა მოხდება. ვფიქრობ, კარგ მდგომარეობაში ვართ დე ლიხტის ტრანსფერზე ამ დროისთვის. ახლა უბრალოდ მოთმინება უნდა გამოვიჩინოთ და დაველოდოთ რა მოხდება. ჩვენ უკვე მოვაგვარეთ რაღაცები და ეს ყველაფერს აადვილებს“, – თქვა სალიჰამიჯიჩმა.

შეგახსენებთ, რომ მატაის დე ლიხტს „იუვენტუსთან“ კონტრაქტი 2024 წლამდე აკავშირებს და ტურინელები მის სანაცვლოდ 90-100 მილიონ ევროს ითხოვენ. როგორც იტალიური მედია იტყობინება, „ბაიერნმა“ „იუვეს“ ჯერჯერობით მხოლოდ 60 მილიონი შესთავაზა, რაზეც ცხადია, უარი მიიღო.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …