პოგბას გამოჯანმრთელების პროცესი კარგად მიმდინარეობს

ტურინის „იუვენტუსის“ ნახევარმცველის პოლ პოგბას გამოჯანმრთელების პროცესი კარგად მიმდინარეობს და სარეაბილიტაციო კურსის მეორე ეტაპს დაიწყებს.

პოგბა მზადაა სირბილი დაიწყოს და ნელ-ნელა ვარჯიშს სრული დატვირთვით დაუბრუნდეს. ტურინში იმედოვნებენ, რომ ფრანგი სათამაშოდ 3 კვირაში, 11 სექტემბერს იქნება, როდესაც „იუვენტუსი“ „სალერნიტანას“ შეხვდება.

მანამდე პოლ სერია A-ს ოთხი მატჩი და ჩემპიონთა ლიგის პირველი ტური გაუცდება.

შეგახსენებთ, რომ პოგბამ მოსამზადებელ ეტაპზე ერთადერთი ამხანაგური თამაში ჩაატარა, შემდეგ ვარჯიშზე ტრავმა მიიღო და მას შემდეგ ლაზარეთშია.