პოგბამ სამედიცინო შემოწმება გაიარა, ტრანსფერი ორშაბათს გამოცხადდება

პოლ პოგბამ სამედიცინო შემოწმება გაიარა. ფრანგი ფეხბურთელი „იუვეში“ 6-წლიანი პაუზის შემდეგ დაბრუნდა, თანაც თავისუფალი აგენტის სტატუსით.

29 წლის ნახევარმცველი 10-ნომრიან მაისურს მოირგებს, რომელიც 2015-2016 წლების სეზონშიც ემოსა.

რომეო აგრესტის ცნობით, პოგბამ კონტრაქტს ხელი დღეს მოაწერა, მაგრამ ტრანსფერის ოფიციალური განცხადება დღეს არაა მოსალოდნელი და ამას „იუვენტუსის“ ვებგვერდი ორშაბათს გააკეთებს.

შეგახსენებთ, რომ პოლ პოგბამ 2012-2016 წლებში „იუვეს“ რიგებში 178 შეხვედრაში 34 გოლი გაიტანა.

#Juventus: terminate le visite mediche di #Pogba // Pogba has finished his medical at Juventus 🇫🇷⚪️⚫️ @Goalitalia @Goal pic.twitter.com/529M2ndMpY

— Romeo Agresti (@romeoagresti) July 9, 2022