ოფიციალურად: აარონ რემზიმ “იუვენტუსი” დატოვა

ტურინის „იუვენტუსის“ ნახევარმცველი აარონ რემზი „გლაზგო რეინჯერსში“ გადავიდა. ინფორმაცია ოფიციალურად დადასტურდა.

31 წლის უელსელი ფეხბურთელი შოტლანდიურ გრანდს მიმდინარე სეზონის ბოლომდე იჯარით შეუერთდა. რემზის „იუვესთან“ კონტრაქტი ჯერ კიდევ, 2023-წლამდე აკავშირებს, მაგრამ ზაფხულში მისი დაბრუნება პრაქტიკულად გამორიცხულია და „რეინჯერსი“ თუ არ გამოისყიდის, სხვა კლუბში მოუწევს წასვლა.

აარონ რემზი „იუვეში“ 2019 წლიდან თამაშობდა და 70 მატჩში 6 გოლის გატანა მოახერხა. მან თითოჯერ მოიგო სკუდეტო, იტალიის თასი და იტალიის სუპერთასი.

Good Luck @aaronramsey 🏴󠁧󠁢󠁷󠁬󠁳󠁿 pic.twitter.com/xsbgcaM3V7

— JuventusFC (@juventusfc) January 31, 2022